"საქართველოს მცირე და საშუალო საწარმოთა ასოციაციის" პრეზიდენტის გიორგი ისაკაძის განცხადებით, მცირე მეწარმეთა დაკავების მსგავსი ფაქტები რომ არ მოხდეს, მცირე ბიზნესსა და ხელისუფლებას შორის კომუნიკაცია უნდა დამყარდეს.
"ასოციაციის მთავარი მიზანია, მინიმუმამდე დავიყვანოთ მცირე მეწარმეთა პრობლემები. სავაჭრო ცენტრების "პასაჟისა" და "კიდობანის" მეწარმეების დაკავებაც შევისწავლეთ. ჩვენ სწორედ ესეთი ფაქტების აღმოფხვრას შევეცდებით. ამისთვის კი ყველანაირად ვეცდებით, რომ ხელისუფლებასთან კომუნიკაცია შედგეს" - განაცხადა ისაკაძემ.
ისაკაძის განმარტებით, ასოციაციას იმედი აქვს, რომ საქმე მშვიდობიანად დასრულდება და მცირე ბიზნესის განვითარებას ხელი არ შეეშლება.
შეგახსენებთ რომ რამდენიმე დღის წინ ფინანსთა სამინისტროს საგამოძიებო სამსაუხრმა სავაჭრო ცენტრების "პასაჟისა" და "კიდობანის" დაახლოებით 170 მეწარმე დააკავა.