"ზესტაფონი 500"-ში სარეაბილიტაციო სამუშაოები გრძელდება. საქართველოს სახემწიფო ელექტროსისტემის ინფორმაციით, დღეისათვის შეცვლილია AT 2-ის 110 კვტ-იანი დენის ტრანსფორმატორი, 110 კვ-იან ელექტროგადამცემ ხაზებზე "თერჯოლა 1" და "თერჯოლა 2" გამოცვლილია დენის ტრანსფორმატორები და სახაზო გამთიშველები. ასევე შეცვლილია 110 კვ-იანი შემოვლითი სისტემის დენის ტრანსფორმატორი.
ქვესადგურში "ქუთაისი 220" 110 კვ-იან გადამცემ ხაზებზე "გეგუთი", "პატრიკეტი" და "უკანეთი" ძველი დენის ტრანსფორმატორები შეცვლილია ახლით. ასევე გამოცვლილია AT 1-ის და AT 2-ის 110 კვ-იანი დენის ტრანსფორმატორები, 110 კვ-იანი სასექციო დენის ტრანსფორმატორი და პირველი და მეორე სექციის ძაბვის ტრანსფორმატორები.
სსე-ში განმარტავენ, რომ ამ დროისთვის ქვესადგურში "რუსთავი 220" 220 კვ. მხარეზე მთლიანად შეცვლილია ზეთიანი ამომრთველები ახალი ელეგაზური ტიპის ამომრთველებით. ასევე შეიცვალა 14 კომპლექტი გამთიშველი და მიმდინარეობს კიდევ 5 კომპლექტის შეცვლა, რაც უახლოეს მომავალში დასრულდება.
ამ ეტაპზე შემოტანილია 110 კვ. მხარის ელეგაზური ამომრთველები და ოთხ თვეში მთლიანად დასრულდება მათი რეაბილიტაცია.
ასევე 220-110 კვ. მხარეზე მთლიანად შეიცვალა მცლელები. ხოლო ეგხ "ველი 2"-ზე დამონტაჟდა ციფრული დაცვები.
ქვესადგურში "გარდაბანი 500" მიმდინარეობს 220 კვ. პირველი სექციის სრული რეაბილიტაცია. ძველი მოწყობილობები იცვლება ახლით. როგორც გამთიშველები, ასევე ამომრთველები და დენის ტრანსფორმატორები.
ივნისის თვიდან ამ დრომდე 220 კვ.-ის მხარეს შეცვლილია 35 გამთიშველი, დაიდგა 10 კომპლექტი დენის ტრანსფორმატორი და 2 ელეგაზური ტიპის ამომრთველი.
220 კვ-იან ელექტროგადამცემ ხაზებზე "ველი 1", "ველი 2" და "ნავთლუღი-220" დაიდგა 3 კომპლექტი ძაბვის ტრანსფორმატორი თავისი მცლელებით.
ამ ეტაპზე მიმდინარეობს AT 1-ის უჯრედის აღდგენა, რომელიც სავარაუდოდ ერთ კვირაში დასრულდება. ასევე მიმდინარეობს სამუშაოები მინაერთების ციფრულ დაცვებზე გადასაყვანად, რის შემდეგადაც 220 კვ-ის პირველი სექციის მართვა მთლიანად კომპიუტერით იქნება შესაძლებელი.