20 ივნისის საქმეზე ჯგუფური ძალადობის ორგანიზება/მონაწილეობაში ბრალდებულ მორის მაჩალიკაშვილს პროკურატურასთან საპროცესო შეთანხმება გაუფორმდა. მან ბრალი აღიარა. მას სასჯელის სახით 2 წლით პირობითი მსჯავრი განესაზღვრა.
„მისი აღიარების გათვალისწინებით, აგრეთვე იმის გათვალისწინებით, რომ მან მოინანია, მიჩნეულ იქნა მიზანშეწონილად, მასთან საპროცესო შეთანხმების გაფორმება. რაც შეეხება საპროცესო შეთანხმების პირობებს, მას სასჯელის სახედ და ზომად განესაზღვრა ორი წლის თავისუფლების აღკვეთა პირობითი ვადით“, – განაცხადა პროკურორმა, გიორგი მუკბანიანმა.
ადვოკატის თქმით, მორის მაჩალიკაშვილი 20 ივნისის მოვლენების დროს პარლამენტთან საკუთარი ბიძის უსაფრთხოებისთვის იყო და არა აქციაში მონაწილეობისთვის.
მორის მაჩალიკაშვილი 20-21 ივნისს პარლამენტის წინ განვითარებულ მოვლენებთან დაკავშირებით ჯგუფური ძალადობის ორგანიზების, ხელმძღვანელობის და მასში მონაწილეობის ფაქტზე იყო დაკავებულები.
