მაშველები ფოთში 30 წლის მამაკაცს ეძებენ. ახლობლებმა მისი მისი კუთვნილი ავტომანქანა მდინარე რიონის ხიდთან ნახეს. ოჯახის წევრებუ აბობენ, რომ მამაკაცი, სახლიდან დაახლოებით ერთი კვირის წინ გავიდა და მას შემდეგ არაფერი სმენიათ.
საგანგებო სიტუაციების მართვის სამსახურის ინფორმაციით, ადგილზე მობილიზებული არიან როგორც სამეგრელო-ზემო სვანეთის მაშველები, ასევე თბილისიდან განსაკუთრებულ საქმეებზე სწრაფი რეაგირების მთავარი სამმართველოს მაშველები.
საძიებო სამუშაოები მდინარე რიონში მიმდინარეობს და მასში ჩართული არიან მყვინთავები, სპეც ტექნიკა, ასევე კატერი, რომელიც ფსკერს ასკანერებს.
შსს-ს ინფორმაციით, ფაქტზე გამოძიება სსკ-ის 115-ე მუხლის პირველი ნაწილით დაიწყო, რაც თვითმკვლელობამდე მიყვანას გულისხმობს.
