Fitch-ისა და Standart &Poor's -ის შემდეგ საქართველოს მაღალ საკრედიტო რეიტინგს უკვე Moody's-იც ანიჭებს. როგორც დღეს ფინანსთა მინისტრმა კახა ბაინდურაშვილმა განახადა, დღეს, 6 ოქტომბერს საერთაშორისო სარეიტინგო სააგენტომ Moody's-მა პირველად გამოაქვეყნა საქართველოს სუვერენული საკრედიტო რეიტინგი კატეგორიით Ba3, რაც საქართველოს სუვერენული რეიტინგის ერთი საფეხურით გაუმჯობესებას ნიშნავს ამ დროისათვის არსებული სხვა საერთაშორისო სააგენტოების რეიტინგებთან შედარებით.
ბაინდურაშვილის, განმარტებით Moody's-ის რეიტინგი თავის დროზე Fitch-ის მიერ მონიჭებული "BB-" - ის საკრედიტო რეიტინგის ტოლფასია, რომელიც საქართველოს 2008 წლის ომამდე ქონდა.
"საქართველომ Moody's-გან საკრედიტო რეიტინგი პირველად მიიღო, რასაც სააგენტო ქვეყანაში გატარებული ეკონომიკური და სოციალური რეფორმებით ხსნის. ეხლახანს მონიჭებული რეიტინგი წარმოადგენს ქვეყნის მიმზიდველობის ძალზედ მნიშვნელოვან ინდიკატორს საერთაშორისო ინვესტორებისათვის და აქედან გამომდინარე ხელს შეუწყობს საქართველოში საერთაშორისო კაპიტალის შემოდინებას", _ განაცხადა კახა ბაინდურაშვილმა.
გადაწყვეტილება საქართველოსთვის Ba3 -ის სუვერენული რეიტინგის მინიჭების შესახებ პირველ რიგში ამჟღავნებს ქვეყნის პროგრესს "სოციალური პოლიტიკური და ეკონომიკური ინსტიტუტების მშენებლობაში და ბიზნესის განვითარებაში ჯანსაღი გარემოს ფორმირებაში", რაც ანალიტიკოსების შეფასებით წარმოადგენს უნიკალურ შემთხვევას რეგიონისთვის. მეორეს მხრივ, სარეიტინგო კომპანია აღნიშნავს, საქართველოს ხელისუფლების ადეკვატურ პასუხს გლობალურ ფინანსურ კრიზისზე და 2008 წლის სამხედრო კონფლიქტზე რუსეთთან.
"ამ ფონზე საქართველო გაუმკლავდა პირდაპირი უცხოური ინვესტიციების შემცირებას და შეძლო შეენარჩუნებინა მისაღები პარამეტრები ვალის მომსაუხრეობაში", -აცხადებენ სარეიტინგო სააგენტოში.
ამავე დროს, რეიტინგული კომპანის ანალიტიკოსები აღნიშნავენ, რომ შენარჩუნებულია გეოპოლიტიკური რისკები, რომელიც რუსეთთან დაურეგულირებელ კონფლიქტს ეხება.
"საქართველოს საკრედიტო რეიტინგები ასახავეს ბოლო წლების აშკარა პროგრესს ინსტიტუციონალურ მშენებლობაში, რომლის საფუძველზეც ქვეყანამ შეძლო მოეზიდა მნიშვნელოვანი უცხოური კაპიტალი და ხელი შეეწყო ეკონომიკური ზრდისთვის. ამავდროულად, შეენარჩუნებინა სახელმწიფო ვალის მისაღები დონე", _ აღნიშნავს Moody's -ს ვიცე პრეზიდენტი ენტონი ტომასი.
მისი თქმით, 2000 წლის დასაწყისში ქვეყანაში იყო კორუფციის მაღალი დონე და არაეფექტური პოლიტიკური ხელმძღვანელობა, თუმცა 2003 წლის ვარდების რევოლუციის შემდეგ ვითარება შეიცვალა.
"მითითებული ხელსაყრელი ფაქტორები კონტრასტში მოდის მოსახლეობის შემოსავლების დაბალ დონესთან, სერიოზულ გეოპოლიტიკურ რისკებთან, რომლებიც წარმოქმნილია 2008 წელს რუსეთთან კონფრომტაციის შემდეგ", _ ნათქვამია Moody's-ის კომენტარში და იქვე აღნიშნულია, რომ "ქვეყანაში ვითარება ინვესტორებისთვის საკმაოდ შემაშფოთებელი იქნება, ვიდრე თბილისი ვერ შეძლებს მოსკოვთან ვითარების ნორმალიზებას".
