საბანკო სექტორში განთავსებული არასაბანკო დეპოზიტების მოცულობამ 2019 წლის პირველი ოქტომბერსათვის 25.62 მლრდ ლარი შეადგინა, რაც 279.69 მლნ ლარით, ანუ 1.10%-ით მეტია პირველი სექტემბერსათვის არსებულ მაჩვენებელზე (გაცვლითი კურსის ეფექტის გარეშე 0.98%-ით მეტი). სექტემბერში, წინა თვესთან შედარებით, ადგილი ჰქონდა ვადიანი დეპოზიტების ზრდას 5.60 მლნ ლარით, ანუ 0.05%-ით (გაცვლითი კურსის ეფექტის გარეშე 0.13%-ით შემცირდა), ხოლო მოთხოვნამდე დეპოზიტები 274.09 მლნ ლარით, ანუ 1.86%-ით გაიზარდა (გაცვლითი კურსის ეფექტის გარეშე გაიზარდა 1.78%-ით).

დეპოზიტების ლარიზაციის კოეფიციენტმა მიმდინარე წლის პირველი ოქტომბერსათვის 36.29 პროცენტი შეადგინა. პირველი სექტემბერის მდგომარეობასთან შედარებით, დეპოზიტების ლარიზაცია შემცირდა 0.13 პროცენტული პუნქტით (გაცვლითი კურსის ეფექტის გამორიცხვით შემცირდა 0.09 პროცენტული პუნქტით).
ვადიან დეპოზიტებზე საშუალო წლიურმა შეწონილმა საბაზრო საპროცენტო განაკვეთმა 5.07% შეადგინა, მათ შორის ეროვნული ვალუტით განთავსებულ დეპოზიტებზე 7.64%, ხოლო უცხოური ვალუტით განთავსებულ დეპოზიტებზე 2.68%.
უცხოური ვალუტით განთავსებულ დეპოზიტებში აშშ დოლარის წილმა 84.89%, ხოლო ევროს წილმა 13.52% შეადგინა.