მსოფლიო ბანკმა გამოაქვეყნა ბიზნესის კეთების სიმარტივის/Doing Business ყოველწლიური რეიტინგი.
ყოველწლიურ რეიტინგში საქართველო კვლავინდებურად წამყვან პოზიციაზეა, თუმცა ერთი ადგილით უკან დაიხია.
წლევანდელ რეიტინგში საქართველო 190 ქვეყანას შორის მეშვიდე ადგილს იკავებს. გასული წლის რეიტინგში საქართველო მეექვსე ადგილზე იყო.
მსოფლიო ბანკის ბიზნესის კეთების სიმარტივის რეიტინგში პირველ ადგილს იკავებს ახალი ზელანდია, მას მოსდევს სინგაპური, ჰონგ კონგი, დანია, სამხრეთ კორეა და აშშ-ი.
Doing Business-ის რეიტინგის შედგენისას სხვადასხვა კომპონენტებია გათვალისწინებული. მაგალითად: ბიზნესის დაწყება, სამშენებლო ნებართვების აღება, ელექტროენერგიის მიწოდება, ქონების რეგისტრაცია, სესხზე ხელმისაწვდომობა, გადასახადების გადახდა, საგარეო ვაჭრობა, კონტრაქტის პირობების აღსრულება, ბიზნესის დახურვა.
