საქართველოს მთავრობა თბილისის მერიას დამატებით 100 მლნ ლარს გამოუყოფს. როგორც დღეს მთავრობის სხდომაზე, 2020 წლის ბიუჯეტის პროექტის განხილვისას, პრემიერ-მინისტრმა გიორგი გახარიამ აღნიშნა, "ჩვენ თბილისის მერიას დამატებით 100 მილიონი ლარით დავეხმარებით".
"ძალიან საინტერესო და კარგი პროექტები აქვს თბილისის მერიას, რომელმაც შეძლო და მთავრობას დაუმტკიცა ამ პროექტების აუცილებლობა და ჩვენ თბილისის მერიას დამატებით 100 მილიონი ლარით დავეხმარებით, იმისთვის, რომ ქალაქი გახდეს, როგორც ტურისტულად უფრო მიმზიდველი, ასევე – ჩვენი მოქალაქეებისთვის უფრო კომფორტული“, – განაცხადა პრემიერ-მინისტრმა.
