რეგიონში ერთ-ერთი სამაგალითოა სარფის საბაჟო გამშვები პუნქტი, სადაც პროცედურები დროის მოკლე პერიოდში, ერთი გაჩერების პრინციპით ხორციელდება,“ - ამის შესახებ საქართველოს ფინანსთა მინისტრმა, ივანე მაჭავარიანმა საქართველო-თურქეთის საზღვარზე, სარფის საბაჟო გამშვები-პუნქტის ტერიტორიაზე, ორ ქვეყანას შორის მგზავრთა გადასასვლელი დერეფნის ოფიციალური გახსნის ცერემონიაზე სიტყვით გამოსვლისას განაცხადა.
მისი თქმით, თანამედროვე საბაჟო ინფრასტრუქტურის, სერვისების შეუფერხებელი მიწოდების, საბაჟო პროცედურების ეფექტიანი მართვის კუთხით, საქართველომ დიდ წარმატებას მიაღწია.
„ყოველწლიურად, უშუალოდ სარფის საბაჟო გამშვებ-პუნქტს რამდენიმე მილიონი ადამიანი და რამდენიმე ასეული ათასი ავტომობილი კვეთს. ინფრასტუქტურული სამუშაოების შედეგად, რომელიც სარფში განხორციელდა, მნიშვნელოვნად გაიზარდა გამშვები პუნქტის გამტარუნარიანობა და კომფორტული გახდა საზღვრის კვეთა“, - განაცხადა ივანე მაჭავარიანმა.
