საერთაშორისო ვაჭრობის განვითარებისთვის, მნიშვნელოვან როლს თამაშობს საბაჟო ორგანოების შეუფერხებლად მუშაობა და საბაჟო სერვისების მაღალ დონეზე მიწოდება - განაცხადა საქართველოს ფინანსთა მინისტრმა, ივანე მაჭავარიანმა საქართველო-თურქეთის საზღვარზე, სარფის საბაჟო გამშვები-პუნქტის ტერიტორიაზე, ორ ქვეყანას შორის მგზავრთა გადასასვლელი დერეფნის ოფიციალური გახსნის ცერემონიაზე სიტყვით გამოსვლისას.
როგორც მან აღნიშნა, საქართველოს ხელისუფლება მუდმივად მუშაობს კანონმდებლობის დახვეწა/გამარტივებაზე, ინფრასტრუქტურის გაუმჯობესებასა და სერვისების განვითარებაზე.
„საქართველოში დღეს მოქმედი, ახალი საბაჟო კოდექსი სრულად ჰარმონიზებულია ევროკავშირის კანონმდებლობასთან. თანამედროვე საბაჟო ინფრასტრუქტურასთან ერთად, იგი პასუხობს ევროსტანდარტებით გათვალისწინებულ მოთხოვნებს. გამარტივებულია საქართველო-ევროკავშირს შორის საბაჟო პროცედურები; ქართველ და ევროკავშირის წარმომადგენელ ბიზნესმენთათვის არსებობს ერთნაირი საბაჟო რეგულირების გარემო, მარტივი და სამართლიანი წესები. არსებითად შემცირებულია საგარეო ვაჭრობასთან დაკავშირებული დანახარჯები. დღეს უკვე ჩვენი ამოცანაა, სრულად დავნერგოთ ციფრული საბაჟოს კონცეფცია, რაც საბაჟოზე ყველა სერვისის ელექტრონული ფორმით მიწოდებას გულისხმობს“, - განაცხადა ფინანსთა მინისტრმა, ივანე მ
