დაღესტანში, მახაჩკალის გარეუბანში უცნობმა პირებმა მილიციის განყოფილების უფროსი მილიციის კაპიტანი ხაბიბულა მირზაევი მოკლეს. ინფორმაციას ამის შესახებ რუსული მედია დაღესტნის სამართალდამცავებზე დაყრდნობით ავრცელებს.
დაღესტნის სამართალდამცავთა განცხადებით, მირზაევი საკუთარი სახლის ეზოში დღესასწაულ ურაზ-ბაირამის აღნიშვნის დროს დაცხრილეს.
მიღებული ჭრილობებისაგან მილიციის კაპიტანი ადგილზე გარდაიცვალა. აღძრულია სისხლის სამართლის საქმე.