სამხრეთ აფრიკაში უნიკალური ალმასი აღმოაჩინეს. აღნიშნული აღმოჩენის შესახებ განცხადება ალმასმომპოვებელმა გიგანტმა " Gem Diamonds Ltd გააკეთა. მათი ინფორმაციით აღმოჩენის წონა 196 კარატია და იგი საბადო " Letseng "-ში აღმოაჩინეს ლესოტოში.
"ეს ალმასი საკმაოდ ძვირი ღირს, ვინაიდან, წინასწარი დათვალიერებით, მისგან შესაძლოა უმაღლესი ხარისხობრივი მაჩვენებლის ბრილიანტები გამოვიდეს, უმაღლესი ფერისა და სისუფთავის", _ ნათქვამია კომპანიის მიერ გავრცელებულ განცხადებაში.
აღნიშნული კომპანიის ყველაზე დიდი აღმოჩენა 603 კარატიანი ალმასია, რომელიც 12,4 მილიონ აშშ დოლარად გაიყიდა. ინფორმაციას ამის შესახებ "როიტერი" ავრცელებს.
