საპარლამენტო ფრაქცია „საქართველოს პატრიოტები“, შესაძლოა, დაიშალოს და ირმა ინაშვილს ვიცე-სპიკერის თანამდებობის დატოვება მოუწიოს.
ფრაქციის დაშლის საფრთხე მას შემდეგ დადგა, რაც დეპუტატმა ნატო ჩხეიძემ განაცხადა, რომ ის "პატრიოტთა ალიანსს" ტოვებს და საპარლამენტო საქმიანობას დამოუკიდებელი დეპუტატის სტატუსით გააგრძელებს.
ტელეკომპანია ”იბერიას” დამფუძნებელმა, ნატო ჩხეიძემ განცხადება “პატრიოტთა ალიანსიდან“ გასვლის შესახებ არჩევანის პირდაპირ ეთერში გააკეთა. დეპუტატი გადაწყვეტილების კონკრეტულ მიზეზებზე საუბარს საპარლამენტო ტრიბუნიდან გეგმავს.
ფრაქცია „საქართველოს პატრიოტებს“ წარმოადგენენ: გიორგი ლომია, ნატო ჩხეიძე, გელა მიქაძე, ირმა ინაშვილი, ემზარ კვიციანი, ადა მარშანია.
