თბილისის საქალაქო სასამართლოში ბარნოვზე მოკლული 25 წლის თაკო გამრეკელაშვილის საქმეზე ბრალდებულ ვეფხია ბაქრაძის პროცესი მიმდინარეობს.
დღევანდელ პროცესზე ბრალდების მხარის მტკიცებულებებს გამოიკვლევენ.
არსებული ინფორმაციით, სასამართლოს ჩვენებას 3 მოწმე მისცემს.
ცნობისთვის, 13 აპრილს, თბილისში, ბარნოვის ქუჩაზე, 25 წლის თაკო გამრეკელაშვილი სასტიკად მოკლეს. არსებული ინფორმაციით, გამრეკელაშვილი მამინაცვალმა, ვეფხია ბაქრაძემ მცირეწლოვანი შვილების თანდასწრებით მოკლა.
ბრალდებული მიმალვაში იმყოფებოდა. სამართალდამცავებმა ის თელეთში დააკავეს.
