ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების საქმეს თბილისის საქალაქო სასამართლო ამ წუთებში განიხილავს.
სასამართლოს ჩვენებას დაცვის მხარის მოწმე, იმჟამინდელი გადაცემა "პატრულის" ოპერატორი აძლევს.
დღევანდელ სხდომაზე დაცვის მხარის მტკიცებულებებს იკვლევენ. სასამართლოს ჩვენებას მთლიანობაში 3 მოწმე მისცემს.
ცნობისთვის, აღნიშნულ საქმეზე 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი არიან ბრალდებული.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.
