2018 წლის 15 სექტემბერს საქართველოს ვიზიტით ეწვევა ეროვნული უმცირესობების საკითხებში ეუთოს უმაღლესი კომისარი ლამბერტო ზანიერი.
ვიზიტის ფარგლებში დაგეგმილია ეუთოს უმაღლესი კომისრის შეხვედრები საქართველოს პრეზიდენტთან, პარლამენტის თავმჯდომარესთან, საგარეო საქმეთა მინისტრის მოადგილესთან, აღმასრულებელი და საკანონმდებლო ხელისუფლების სხვა წარმომადგენლებთან.
ეროვნული უმცირესობების საკითხებში ეუთოს უმაღლესი კომისარი ასევე შეხვედრებს გამართავს ცესკოს თავმჯდომარესთან, სახალხო დამცველთან და საქართველოში გაეროს ოფისის წარმომადგენლებთან. ლამბერტო ზანიერი ეუთოს საპარლამენტო ასამბლეის პრეზიდენტს, სამოქალაქო საზოგადოების და ეროვნული უმცირესობის წარმომადგენლებსაც შეხვდება. ეუთოს უმაღლესი კომისარი საქართველოში იტალიის საელჩოს ეწვევა. ლამბერტო ზანიერის ვიზიტი საქართველოში 21 სექტემბრამდე გაგრძელდება.
