სახელმწიფო უსაფრთხოების სამსახურში ზუგდიდის ყოფილი მერი ლაშა გოგია გამოკითხვაზე იმყოფება.
მას უწყებაში შესვლამდე ჟურნალისტებთან კომენტარი არ გაუკეთებია, მხოლოდ ის აღნიშნა, რომ განცხადებას ორშაბათს, 17 სექტემბერს გააკეთებს.
სუს-ში იმყოფება ასევე, ორგანიზაცია „დაიცავი საქართველოს“ ერთ-ერთი დამფუძნებელი კახა მიქაიაც. მან აღნიშნულ უწყებაში ზუგდიდის მერთან დაკავშირებით გავრცელებული ფარული ჩანაწერის სრული ვერსია მიიტანა.
გუშინ კი, სუს-ში გამოკითხვაზე დაახლოებით 9 საათის განმავლობაში იმყოფებოდა. ზუგდიდის ყოფილი ვიცე-მერი გია გულორდავა.
სუს-მა ზუგდიდის ყოფილი მერის, ლაშა გოგიას მიმართ გამოძიება ქრთამის აღების ფაქტზე დაიწყო. არსებული ინფორმაციით, საქმე ეხება ერთ-ერთი ბიზნესმენისგან ქრთამის აღებას მიწის დაკანონების სანაცვლოდ.
