ლატვიაში კერძო უნივერსიტეტებში რუსულ ენაზე სწავლება იკრძალება. უმაღლესი საგანმანათლებლო დაწესებულებების შესახებ კანონში შესატანი ცვლილებები ლატვიის პრეზიდენტმა რაიმონდ ვეიონისმა დაამტკიცა. სტუდენტების მიღება რუსული ენის გამოყენებით აკრძალული იქნება 2019 წლის 1 იანვრიდან.
საქმე ეხება სწავლებას კერძო ინსტიტუტებსა და კოლეჯებში. რაც ნიშნავს, რომ ქვეყნის რუსულენოვანი სტუდებტები იძულებული იქნებიან გადაემზადონ.
სეიმმა ცვლილებები 21 ივნისს მიიღო. ამ წინადადების წინააღმდეგ გამოდიოდა ოპოზიციური ფრაქცია „სოგლასიე“.
დღესდღეობით ლატვიაში ერთი სახელმწიფო ენაა - ლატვიუირი. რუსული ენა წარმოადგენს მოსახლეობის 40%-სთვის მშობლიურ ენას და ქვეყანაში უცხო ენის სტატუსი გააჩნია. მოქმედი კანონმდებლობის თანახმად უცხო ენაზე სწავლება ნებადართულია მხოლოდ იმ შემთხვევაში, თუკი ეს აუციელბელია სასწავლო მიზნების მისაღწევად. კერძოდ, ეს შესაძლებელია ენისა და კულტურული პროგრამების ფარგლებში სწავლებისას.
