„ტავ ჯორჯიას“ პასუხი Georgian Airways-ს. თბილისისა და ბათუმის საერთაშორისო აეროპორტების მმართველი კომპანიას იმის საიულისტრაციოდ, რომ Georgian Airways-ი ტყუის, არგუმენტად ბილეთების ფასების შედარება მოჰყავს. კომპანიაში განმარტავენ, რომ მოსკოვისა და კიევის მიმართულებით Georgian Airways-ის ბილეთის ღირებულება გაცილებით მაღალია, ვიდრე Aeroflot-ის, Pobeda-ს და Ukraine International Airways-ის შემთხვევაში. ეს იმ ფონზე, როდესაც ეს ავიაკომპანიები არ სარგებლობენ ანალოგიური სპეციალური ფასდაკლებებით, მეტიც Georgian Airways-სგან განსხვავებით მათ ყველა სახმელეთო მომსახურებას TAV Georgia უწევს.
„Georgian Airways კვლავ აგრძელებს საზოგადოების შეცდომაში შეყვანას და არასწორი ინფორმაციის გავრცელებას. ავიაკომპანიის მიერ გავრცელებულ ბოლო განცხადებაში ნათქვამია, რომ ტავ ჯორჯია აფერხებს Georgian Airways-ის მიერ ბილეთის ფასების გაიაფების პროცესს, რაც არ შეესაბამება არსებულ რეალობას.
2017 წლის ICAO-ს (სამოქალაქო ავიაციის საერთაშორისო ორგანიზაცია) ეკონომიკური განვითარების ანგარიშის მიხედვით ბილეთის ღირებულებაში აეროპორტის სერვისების (უსაფრთხოება, სახმელეთო მომსახურება, აეროდრომისა და აფრენა-დაფრენის სერვისები) ხარჯის მხოლოდ 25%-ია წარმოადგენილი, (აქედან სერვისების დიდ ნაწილს ავიაკომპანია თავად უზრუნველყოფს) დანარჩენი 75 % კი ავიაკომპანიის ძირითადი ხარჯებია.
მაგალითისთვის შეგვიძლია მოვიყვანოთ რამოდენიმე მიმართულება, რომელსაც თბილისის საერთაშორისო აეროპორტიდან Georgian Airways-თან ერთად სხვა უცხოური ავიაკომპანიებიც ასრულებენ. მოსკოვისა და კიევის მიმართულებით Georgian Airways-ის ბილეთის ღირებულება გაცილებით მაღალია, ვიდრე Aeroflot, Pobeda და Ukraine International Airways. უნდა აღინიშნოს, რომ ჩამოთვლილი უცხოური ავიაკომპანიები არ სარგებლობენ ანალოგიური სპეციალური ფასდაკლებებით, მეტიც Georgian Airways-სგან განსხვავებით მათ ყველა სახმელეთო მომსახურებას TAV Georgia უწევს.
აქვე გვინდა განვმარტოთ, რომ Georgian Airways-ის შემთხვევაში ორმხრივი (გაფრენა-მოფრენა) ბილეთის ღირებულებიდან ტავის წილი საშუალოდ 33$ შეადგენს.
ეს ყოველივე ნათლად ასახავს, რომ Georgian Airways-ი მიზანმიმართულად ცდილობს საზოგადოების შეცდომაში შეყვანას და ტავ ჯორჯიას დისკრედიტაციას.
შეგახსენებთ, რომ ტავ ჯორჯია საავიაციო სფეროში მსოფლიო ბრენდის TAV Airports-ის შვილობილი კომპანიაა. TAV Airports-ის მთავარი აქციონერი ფრანგული სახელმწიფო კომპანია ADP Group-ია. TAV Airports-ის სააქციო კაპიტალის 47% წილის შესყიდვით კომპანია საერთო სერვისებით მსოფლიოს 19 ქვეყნის 77 აეროპორტში წლიურად 245 მილიონზე მეტ მგზავრს ემსახურება“, აღნიშნულია Georgian Airways-ის განცხადებაში.
შეგახსენებთ, რომ ავიაკომპანია Georgian Airways-მა დღეს საპროტესტო აქცია დაანონსა. როგორც ავიაკომპანიის მიერ გავრცელებულ საგანგებო განცხადებაშია აღნიშნული, აქცია მიმდინარე კვირის თბილისის საერთაშორისო აეროპორტის ტერიტორიაზე გაიმართება.
„მოგეხსენებათ რომ ჩვენ უკვე წელიწადზე მეტია ვცდილობთ თბილისის საერთაშორისო აეროპორტის მმართველ თურქულ კომპანიასთან, "ტავ ურბან ჯორჯიასთან" მოლაპარაკებას ავიაბილეთების ფასების გაიაფებასთან დაკავშირებით, რამაც, შედეგი არ გამოიღო.
სამწუხაროდ, სხვა გზა არ დაგვრჩა და იძულებულები ვართ გთხოვოთ გვერდში დგომა რომ ვაიძულოთ "ტავ ურბან ჯორჯია" გავიდეს საქართველოდან, წინააღმდეგ შემთხვევაში ისინი გააგრძელებენ ჩვენი აეროპორტების მართვას მინიმუმ 2027 წლამდე.
აღნიშნულთან დაკავშირებით მიმდინარე კვირის ბოლოს ვგეგმავთ საპროტესტო აქციის გამართვას თბილისის საერთაშორისო აეროპორტის ტერიტორიაზე და მოგიწოდებთ თანადგომისაკენ.
დეტალურ ინფორმაციას უახლოეს პერიოდში მოგაწვდით. წინასწარ გიხდით მადლობას თანადგომისთვის", აღნიშნულია Georgian Airways-ის განცხადებაში.
