კომპანია „ფუჯინ სილკ პროპერთი“ თბილისის საერთაშორისო აეროპორტში სასტუმროს ააშენებს. ინვესტორმა აეროპორტში მდებარე 12 653 კვ.მ არსებული უძრავი ქონება ელექტრონულ აუქციონზე 1 მლნ 851 ათას ლარად იყიდა. ობიექტის საწყისი ღირებულება კი 1 მლნ 841 ათას ლარს შეადგენდა.
აუქციონის პირობების მიხედვით, „ფუჯინ სილკ პროპერთი“ ვალდებულია შესაბამისი ხელშეკრულების გაფორმებიდან არაუმეტეს 48 თვის ვადაში საპრივატიზებო უძრავ ქონებაზე, ან მის ნაწილზე მინიმუმ 120 ნომერზე გათვლილი სასტუმრო შექმნას (აშენება, ექსპლუატაციაში მიღება და ფუნქციონირების დაწყება).
შეგახსენებთ, რომ აღნიშნული ობიექტი ტურისტული ინფრასტრუქტურის განვითარების მიზნით, პროექტ „50 ქონება შენი სასტუმროსთვის“ ფარგლებში გაიყიდა.
