ენმ ეთანხმება "ევროპული საქართველოს" ინიციატივას, რომ ხორავას ქუჩაზე მოზარდების მკვლელობასთან დაკავშირებით, პარლამენტში დროებითი საგამოძიებო კომისია შეიქმნას.
ამის შესახებ განცხადება დღეს პარლამენტში ენმ-ის წარმომადგენელმა, რომან გოცირიძემ, ჟურნალისტებთან გააკეთა.
„სამწუხაროდ, მათ აქვთ ასეთი ტაქტიკა, ვაცადოთ გამოძიებას, მაგრამ გადის დრო და აბსოლუტურად არაფერი არ ხდება. ვფიქრობ, ასევე მოექცევიან ამ დადგენილებას. მაგრამ მგონია, რომ ინიციატივა იყო სწორი, გაიმართა მასშტაბური აქცია და იქნებ ამ ფაქტორის გამო მაინც მოხდეს ამ კომისიის შექმნა," - განაცხადა გოცირიძემ.
ხორავას ქუჩაზე მომხდარ დანაშაულთან და ახალგაზრდების მკვლელობის საქმესთან დაკავშირებით "ევროპული საქართველო" პარლამენტის დროებითი საგამოძიებო კომისიის შექმნას მოითხოვს.
