არავის არ უნდა ეგონოს, რომ "ქართული ოცნება" არის ვინმეს კერძო საკუთრება, - ამის შესახებ მმართველის გუნდის წევრმა დავით ჭიჭინაძემ განაცხადა.
მისი თქმით,აუცილებელია "ქართული ოცნების" ყრილობაზე არჩეული იქნას პარტიის ახალი თავმჯდომარე და პოლიტსაბჭო.
„არავის არ უნდა ეგონოს, რომ "ქართული ოცნება" არის ვინმეს კერძო საკუთრება. ეს არის ქართველი ხალხის არჩევანის შედეგად ძალაუფლებაში მოსული პარტია და ყოველივე მის წევრს, რიგითს, არამარტო დეპუტატს, თავისი წვლილი აქვს შეტანილი. პარტია არ შედგება მარტო დეპუტატებისაგან, ამიტომ რას ნიშნავს დისციპლინის დამყარება, მე მგონი ეს არასწორი გამოთქმაა და სიების შედგენა მე თვითონ ზოგადად ვთვლი რომ სიას ვერავინ ვერ შეადგენს რა. ეგრე სიები ჩვენც შეგვიძლია შევადგინოთ მაგრამ რა ძალა ექნება ამ სიას. ვფიქრობ, ყრილობაზე იქნება თავმჯდომარე არჩეული, იქნება ახალი პოლიტსაბჭო არჩეული", - განაცხადა დავით ჭიჭინაძემ.