ქალთა თემებზე, განსაკუთრებით კი შევიწროვების და ძალადობის მიმართულებით, მეც ვფიქრობ, კანონის ჩანაწერებში მეტი სიცხადის შემოტანაა საჭირო, - ამის შესახებ პარლამენტის პირველმა ვიცე-სპიკერმა, თამარ ჩუგოშვილმა განაცხადა.
მისი თქმით, საჯარო სამსახურის შესახებ კანონში უფრო მკაფიო ჩანაწერებია და საჯარო მოხელეები უფრო დაცულები არიან, ვიდრე სხვა ადამიანები, რომლებიც კერძო სივრცეში საქმიანობენ.
„ქალთა თემებზე, განსაკუთრებით კი შევიწროვების და ძალადობის მიმართულებით, მეც ვფიქრობ, კანონის ჩანაწერებში მეტი სიცხადის შემოტანაა საჭირო. საჯარო სამსახურის შესახებ კანონში უფრო მკაფიო ჩანაწერებია და საჯარო მოხელეები უფრო დაცულები არიან, ვიდრე სხვა ადამიანები, რომლებიც კერძო სივრცეში საქმიანობენ. შემოსული იყო მოქალაქეების პეტიცია, რომელიც განიხილა ადამიანის უფლებათა დაცვის კომიტეტმა, მოიწონა და გადმოაგზავნა გენდერული თანასწორობის საბჭოში. ჩვენ ამ თემაზე ვმუშაობთ. საკითხი იურიდიული თვალსაზრისით მარტივი არ არის. უახლოეს დღეებში, არასამთავრობო და ქალთა თემებზე მომუშავე ორგანიზაციებთან გვექნება შეხვედრა კონსულტაციის მიზნით, რომ სწორად ჩამოვყალიბდეთ ნორმის შინაარსზე. ვერ გეტყვით პარლამენტში ამ თემას როგორი მხარდაჭერა ექნება, მაგრამ პირადად მე, ასევე გენდერული თანასწორობის საბჭოს მიაჩნია, რომ კანონს ნამდვილად სჭირდება დაზუსტება და შესაბამისად, არც თუ შორეულ მომავალში შესაბამისი ცვლილებების ინიციატივაც იქნება“, - განაცხადა თამარ ჩუგოშვილმა.