ბათუმში, ბარცხანის დასახლებაში ავტოსაგზაო შემთხვევა მოხდა.
"აჭარის ტელევიზიის" ინფორმაციით, ბენზინგასამართი სადგურის მიმდებარე ტერიტორიაზე, ერთმანეთს ორი მსუბუქი ავტომობილი შეეჯახა. ავარიის შედეგად მამაკაცი დაშავდა.
ბათუმის სასწრაფო სამედიცინო დახმარების ბრიგადის ექიმების განცხადებით, დაზარალებული ბათუმის საუნივერსიტეტო კლინიკაში გადაიყვანეს. მას ტკივილი მუცლის არეში აღენიშნებოდა.
შემთხვევის ადგილზე საპატრულო პოლიციის თანამშრომლები მუშაობენ.
