ამ წუთებში, სპორტის სასახლეში „ადვოკატთა ასოციაციის“ თავმჯდომარის არჩევნების მეორე ტური დაიწყო. ხმის დამთვლელი კომისია ხმის მიცემის პროცედურის დასაწყებად ემზადება.
როგორც „ჯი-ეიჩ-ენს“ „ადვოკატთა ასოციაციაში“ განუცხადეს, არჩევნებს 1130 ადვოკატი ესწრება. შეკრებილებს ასოციაციის ყოფილმა თავმჯდომარემ, ზაზა ხატიაშვილმა და თავმჯდომარეობის კანდიდატმა, დავით ასათიანმა მიმართეს.
შეგახსენებთ, რომ არჩევნების პირველი ტური 9 დეკემბერს გაიმართა. ხმათა უმრავლესობა ერთ-ერთ კანდიდატს, დავით ასათიანს ერგო.
