იურიდიულ საკითხთა კომიტეტის სხდომაზე „ნაციონალური მოძრაობის“ ინიციატივას, რომლის მიხედვითაც ჩატაევის საპატიმროდან გაშვების საქმეზე საგამოძიებო კომისია უნდა შეიქმნას, დაპირისპირება მოჰყვა.
პარტიის წევრმა, სალომე სამადაშვილმა კომიტეტს შესთავაზა, რომ კომისიის შექმნის საკითხზე ემსჯელათ და პარლამენტს გაერკვია, თუ ვინ და რატომ გაათავისუფლა ახმედ ჩატაევი ციხიდან.
რაზეც „ქართული ოცნების“ წევრმა და კომიტეტის თავმჯდომარემ, ეკა ბესელიამ „ნაციონალურ მოძრაობას“წარსულის გახსენებისკენ მოუწოდა.
”პირველ რიგში, მიხეილ სააკაშვილს ჰკითხეთ, რატომ ჩამოიყვანეს უკრაინიდან საქართველოში ახმედ ჩატაევი და რატომ გაათავისუფლეს ის სისხლის სამართლის პასუხისმგებლობისგან 2010 წელს, ამის შემდეგ გაჰყევით ლაფანყურის სპეცოპერაციას”, - მიმართა ეკა ბესელიამ სალომე სამადაშვილს.
