"ევროპული საქართველოს" წევრის, გიგი წერეთლის განცხადებით, პარტიას უარყოფითი დამოკიდებულება არა ნინო ლომჯარიას მისამართით, არამედ შერჩევის პროცესის მიმართ აქვს.
"ასეთი გადაწყვეტილების მიღების დროს, სახელისუფლებო გუნდმა პოლიტიკურ ჯგუფებთან უნდა გამართოს კონსულტაცია, რაც მათი მხრიდან არ მომხდარა და შესაბამისად კანდიდატის შერჩევის პროცესი გაუმჭვირვალე გახდა", - განაცხადა წერეთელმა.
შეგახსენებთ, მმართველმა პარტიამ საქართველოს სახალხო დამცველის პოსტზე გენერალური აუდიტორის ყოფილი მოადგილის, ნინო ლომჯარიას კანდიდატურა ოფიციალურად წარადგინა.
კანდიდატურის ინიცირებას ხელს უმრავლესობაში შემავალი ყველა ფრაქციის ხელმძღვანელი აწერს.
აღსანიშნავია, რომ ლომჯარია ერთ-ერთია იმ ოთხი კანდიდატიდან, რომლებიც არასამთავრობო ორგანიზაციებმა სახალხო დამცველის პოსტზე წარადგინეს.
