თელავის რაიონის სოფელ ფშაველში ხანძარია. ცეცხლი ტყის მასივს უკიდია.
საგანგებო სიტუაციების მართვის სააგენტოს ინფორმაციით, ადგილზე 50-მდე მეხანძრე-მაშველია მობილიზებული.
მათივე ცნობით, ღია კერები არ ფიქსირდება, შესაბამისად, ცეცხლის სხვა ტერიტორიაზე გავრცელების საშიშროება არ არსებობს.
სოფელ ფშაველის ტყეში ამ წუთებში ცეცხლის სალიკვიდაციო სამუშაოები მიმდინარეობს.
