შუახევში, სოფელ დარჩიძეების ტყეში ხანძარია.
ამ წუთებში ხანძრის კერისკენ ადგილობრივი თვითმმართველობის წარმომადგენლები, სახანძრო-სამაშველო ბრიგადები და სატყეო სააგენტოს თანამშრომლები მიემართებიან.
ხანძარი, სავარაუდოდ, სოფელ დარჩიძეებიდან 7-8 კილომეტრის მოშორებით, ტრანსპორტისთვის მიუვალ ადგილზე გაჩნდა.
წინასწარი ინფორმაციით, ხანძარი 200-300 კვადრატულ მეტრ ფართობზეა გავრცელებული. დასახლებულ პუნქტებს საშიშროება არ ემუქრება.
