თბილსის საქალაქო სასამართლოში 11 საათზე ე.წ. ციანიდის საქმის განხილვა განახლდა. როგორც ”ჯი-ეიჩ-ენს” დეკანოზ გიორგი მამალაძის ადვოკატმა განუცხადა, დღეს მეუფე პეტრეს დაკითხავენ. სახელწმიფო ბრალდების მიერ დასაკითხ მოწმეთა სიაში მეუფე პეტრე ბოლო სასულიერო პირია, რომელსაც სასამართლოსთვის ჩვენება არ მიუცია.
”16 მოწმეა დასაკითხი. აქედან ერთ-ერთი, სასულიერო პირი, მეუფე პეტრეა. ვფქირობ, რომ დღეს მას დაკითხავენ... ბრალდების მოწმეების დაკითხვის შემდეგ დაცვის მხარის მტკიცებულებების გამოკვლევა, მოწმეების დაკითხვა გაგრძელდება. ჩვენი ერთ-ერთი მოწმე ირაკლი ფირცხალავაა. თუმცა, მისი დაკითხვა დღეს არ მოხდება, მას შემდეგ პროცესებზე დაკითხავენ, ” - განაცხადა რამიშვილმა.
მისი თქმით, ამ საქმეზე გამამტყუნებელი განაჩენი არ უნდა დადგეს, რადგან დეკანოზის ბრალეულობის დამადასტურებელი მტკიცებულებები არ არსებობს.
”პირდაპირ შემიძლია პროგნოზი გითხრათ, საქართველოში ხომ არსებობს და იმედია იარსებებს, ობიექტური, სამართლიანი მართლმსაჯულება, თუ მოსამართლეც დამოუკიდებელი იქნება, გამამტყუნებელი განაჩენი არ უნდა დადგეს. თუ რა თქმა უნდა, მართლა დემოკრატიულ და ნორმალურ ქვეყანაში ვცხოვრობთ. თუ მონათმფლობელურ წყობილებაში ვართ, ვიღაცეები წყვიტავენ რაღაცეებს და არა კანონის უზენაესობა, მაშინ ჩვენი მომავალი აღარ არსებობს. არანაირი მტკიცებულება არ არსებობს, რომ აღნიშნულ ბრალს საფუძველი, ან არგუმენტი ჰქონდეს. ყველა ვართ იმის მოლოდინით, რომ სამართლიანობა იზეიმებს,” - განუცხადა ”ჯი-ეიჩ-ენს” პროცესის დაწყებამდე რამიშვილმა.
