ოკუპირებულ სოხუმში მომხდარი აფეთქების კადრები სოციალურ ქსელში გავრცელდა. კალმიკოვის ქუჩაზე ავტომობილი 19 ივნისს აფეთქდა.
ვიდეოკადრებში ჩანს, თუ როგორ გარბის შემთხვევის ადგილიდან ორი ახალგაზრდა აფეთქებამდე რამდენიმე წუთით ადრე. როგორც ცნობილია აფეთქების შედეგად დაზარალდა 1974 წელს დაბადებული რუსლან არგუნი, რომელსაც მარცხენა ფეხის ამპუტაცია ჩაუტარდა. აფხაზეთის ე. წ. სამართალდამცავები საქმის გამოძიებას, განძრახ მკვლელობის მცდელობის მუხლით აწარმოებენ.
