თეთრიწყაროს მუნიციპალიტეტში მდებარე სოფელი კლდეისი გზაზე ჩამოწოლილი კლდის გამო გარესამყაროს მოწყდა. შემთხვევა გვიან ღამით, უხვი ნალექის გამო მოხდა.
დილიდან აქტიურად მიმდინარეობს გზის გაწმენდითი სამუშაოები. გამგებლის წარმომადგენლის განცხადებით, ადგილობრივი ძალები მარტო ვერ გაუმკლავდებიან გაწმენდით პროცესს, ამიტომაც მათ სპეცტექნიკა მიეხმარება.
აქტიური გაწმენდითი სამუშაოების გამო ვარაუდობენ, რომ მოძრაობა დღის ბოლომდე აღდგება.
