„ახალგაზრდა იურისტთა ასოციაცია“ ანგარიშს აქვეყნებს, რომელშიც ნათქვამია, რომ საჯარო უწყებებში რეორგანიზაციის პროცესი დარღვევების ფონზე მიმდინარეობდა.
„საიას“ მონაცემების მიხედვით, რეორგანიზაცია 5 სამინისტროში განხორციელდა, თუმცა პროცესი პარლამენტის მონიტორინგის გარეშე მიმდინარეობდა.
„ჩვენს მიერ ჩატარებულმა მონიტორინგმა გამოავლინა, რომ საჯარო უწყებებში რეორგანიზაციის პროცესი მიმდინარეობდა მთელი რიგი ხარვეზებით. პირველ რიგში აღსანიშნავია, რომ ეს პროცესი განხილული არ ყოფილა მთავრობის სხდომაზე და ასევე სერიოზულ პრობლემას წარმოადგენს ის, რომ ეფექტური საპარლამენტო კონტროლი, თუ არ ჩავთვლით მხოლოდ ერთ კომიტეტში ჩატარებულ მოსმენას, ამ პროცესში არ ყოფილა განხორციელებული,“-განაცხადა „საიას“ თავმჯდომარე ანა ნაცვლიშვილმა.
