„ნაციონალური მოძრაობა“ საკონსტიტუციო ცვლილებების პროექტის საყოველთაო-სახალხო განხილვისთვის შექმნილ საორგანიზაციო კომისიაში მონაწილეობას არ მიიღებს, ამის შესახებ პარტიის წევრმა რომან გოცირიძემ განაცხადა.
მისი თქმით, ეს კონსტიტუცია ქვეყნის დემოკრატიული განვითარების გზაზე უკან გადადგმული ნაბიჯი იქნება.
„ჩვენ არ მივიღებთ საყოველთაო განხილვაში მონაწილეობას, იმ კომისიის ფარგლებში, რომელსაც აყალიბებს ახლა პარლამენტი და სადაც თითოეული ფრაქციიდან უნდა იყოს თითო წარმომადგენელი. ჩვენ განხილვას მოვაწყობთ ხალხთან ერთად, ჩვენი ალტერნატიული წინადადებით და მიგვაჩნია, რომ ეს კონსტიტუცია იქნება უკან გადადგმული ნაბიჯი ქვეყნის დემოკრატიული განვითარების გზაზე“, - განაცხადა რომან გოცირიძემ.
