პარლამენტის ბიუროს სხდომაზე საკონსტიტუციო ცვლილებების პროექტი დარეგისტრირდა. პროექტს 108 დეპუტატი აწერს ხელს. მათი ხელმოწერების გადასამოწმებლად პროექტი საპროცედურო საკითხთა და წესების კომიტეტს გადაეცა. ცვლილებები ასევე ხორციელდება აჭარის ავტონომიური რესპუბლიკის შესახებ კონსტიტუციურ კანონში.
კომისია ერთი თვის განმავლობაში განხილვებს საქართველოს სხვადასხვა ქალაქში გამართავს, რის შემდეგაც კონსტიტუციის განხილვის პროცესი პარლამენტის კომიტეტებსა და პლენარული სხდომის ფორმატში გაგრძელდება. მმართველი გუნდი ასევე ვენეციის კომისიის დასკვნას ელოდება.
