საკონსტიტუციო ცვლილებების პროექტი პარლამენტის ბიუროს სხდომაზე დღეს დარეგისტრირდება, შემდეგ კი საპროცედურო საკითხთა კომიტეტს გადაეგზავნება. პარლამენტში ცვლილებებზე მუშაობის პარალელურად, "ქართული ოცნება" დოკუმენტს საერთო საყოველთაო განხილვისთვის ამზადებს. ქვეყნის მთავარი კანონის შემუშავებაში უკვე მოსახლეობა მიიღებს მონაწილებას. მმართველი გუნდი ასევე ვენეციის კომისიის დასკვნას ელოდება.
კონსტიტუციური ცვლილებების მიღებას 113 ხმა სჭირდება, მეცხრე მოწვევის პარლამენტში „ქართული ოცნება“ კი, 115 დეპუტატით არის წარმოდგენილი.
მმართველ გუნდში ვარაუდობენ, რომ კონსტიტუციური ცვლილებების ორი მოსმენით მიღება საგაზაფხულო სესიაზე მოხდება, მესამე მოსმენით დამტკიცება კი, საშემოდგომო სესიაზე იგეგმება.
