საქართველოს პარლამენტის თავმჯდომარე ირაკლი კობახიძე საკონსტიტუციო ცვლილებების თემაზე, საქართველოს ეროვნული პლატფორმის წარმომადგენლებს ხვდება. პლატფორმის წარმომადგენელი ლაშა ტუღუში მიიჩნევს, რომ სამოქალაქო საზოგადოებას აქვს შანსი, ასეთი დებატების შედეგად შეცვალოს და გააუმჯობესოს ის საკითხები, რომელიც ვერ უძლებს კრიტიკას.
"ეს საკითხებია პარლამენტის არჩევნების წესი, რომელიც პირდაპირ შეგვიძლია ვთქვათ, რომ არ ვარგა. ერთი შეხვედრით არავინ არაფერს გაითვალისწინებს, მაგრამ მე იმედი მაქვს, რომ ასეთი შეხვედრები გაგრძელდება და ხელისუფლებამ უნდა მოუსმინოს ხალხს და შემდეგ მიიღოს საბოლოო გადაწყვეტილება",- განაცხადა ტუღუშმა.
