თბილისის საკრებულოს ფრაქცია „მოძრაობა თავისუფლებისთვის“ წევრმა თამაზ შოშიაშვილმა გადაცემა „პოლიტმეტრის“ ეთერში მერი დავით ნარმანიას მიერ შეუსრულებელ დაპირებებზე ისაუბრა. მისი თქმით, ზოგიერთი პროექტი ნარმანიას წინასაარჩევნოდ ჰქონდა დაპირებებში, თუმცა ისინი შეუსრულებელი დარჩა.
„ჩამოვუთვალე კონკრეტული ადგილები, ჩამოვუთვალე კონკრეტული გზები, სადაც საცობებია. მას ეწერა პროგრამაში, რომ თუნდაც 112-დან ვეფხი და მოყმემდე უნდა გაეკეთებინა ახალი გზა, რომელიც არ გააკეთა. იგივე ვაშლიჯვარიდან, ერთი მილიონი დაჯდება ალბათ, მეტი არა, პანდუსი რომ გაკეთდეს. ათასობით ადამიანი იტანჯება იქ საცობებში, ვაშლიჯვარიდან მარშალ გელოვანზე რომ გავიდეს, ერთი შუქნიშანია გასაუქმებელი. არ გააკეთა და უამრავი რამ, რაც მას ჰქონდა წინასაარჩევნოდ დაპირებები.“-განაცხადა შოშიაშვილმა.
