"როდესაც ჩვენ ვლაპარაკობთ, რომ ბოიკოტის რეჟიმზე გადავალთ, ეს ჩვენი სასურველი არჩევანი კი არ არის. ესაა ჩვენი იძულებითი არჩევანი, ვხედავთ რა, რომ ამ საკონსტიტუციო კომისიაში შანსი არ გვაქვს“,-განაცხადა „დემოკრატიული მოძრაობის“ წევრმა, გიორგი ახვლედიანმა „პოლიტმეტრში“ საუბრისას. მისი განცხადებით, ოპოზიციურ პარტიებს არ ეძლევათ შესაძლებლობა გავლენა მოახდინონ კომისიის გადაწყვეტილებებზე, ამიტომ მხოლოდ „ქართული ოცნება“ წყვეტს რა იქნება და რა არა საქართველოს კონსტიტუციაში.
„როდესაც საკონსტიტუციო კომისია კენჭისყრაზე გაიტანს „ქართული ოცნების“ ინიციატივებს, იქ არანაირი პროცესი ჩვენი მონაწილეობით არ არის განხორციელებული. პროდუქტი ჩვენი მონაწილეობით არ არის შექმნილი. ამიტომაც ჩვენ ბუნებრივია, რომ ხვალინდელი დღის შემდეგ საბოლოოდ ჩამოვყალიბდებით, გვაქვს იქ რაიმე საქმე თუ არ გვაქვს. დიდი ეჭვი გვაქვს რომ არ გვაქვს“, - განაცხადა გიორგი ახვლედიანმა.
