პარლამენტის თავმჯდომარემ, ირაკლი კობახიძემ „რეაქციის“ ეთერში „რუსთავი 2“-ის საქმეზე ისაუბრა. მისი თქმით, წინა ხელისუფლების მმართველობის დროს აშკარად და ყველას თვალწინ, ხელიდან ხელში გადადიოდა ტელევიზია და სწორედ ეს დაადასტურა უზენაესმა სასამართლომ. ხოლო სტრასბურგის გადაწყვეტილებაზე იმოქმედა სხვადასხვა ძალების მიერ აგორებულმა ტალღამ.
„ეს იყო დროებითი გადაწყვეტილება, სტრასბურგს ახლა ევალება სიღრმისეულად მსჯელობა საქმესთან დაკავშირებით და მას ევალება დასაბუთება. დასაბუთება სტრასბურგს არ ევალებოდა დროებით ზომასთან დაკავშირებით. დღეს უკვე უნდა დასაბუთდეს.“-განაცხადა კობახიძემ.
