თბილისის მუნიციპალიტეტის საკრებულოს უმრავლესობის დეპუტატმა თამარ ტალიაშვილმა თბილისის მერის - დავით ნარმანიას ყოველწლიური ანგარიში შეაფასა და განაცხადა, რომ, დავით ნარმანიას მიერ წარმოდგენილი ანგარიშით სრული კრახი განიცადა ოპონენტების მიერ წლების განმავლობაში ჩვეულმა პიარმანიპულაციამ წინასწარ განსაზღვრული მესიჯბოქსებით, ვინაიდან მათი გზავნილები სრულიად აცდენილი იყო აქ წარმოდგენილი ანგარიშის ხასიათს და კონკრეტულ საქმეთა ჩამონათვალს.
,,დღეს კიდევ ერთხელ დადასტურდა, რომ დედაქალაქის ხელისუფლება ახორციელებს პროექტებს, რომელიც არა ფასადურ, არამედ ფუნდამენტურ, გრძელვადიან და არსებითად დადებით ეფექტზეა გათვლილი“- განაცხადა თამარ ტალიაშვილმა.
საკრებულოს უმრავლესობის დეპუტატმა დედაქალაქის მერიის მიერ მდინარეების მტკვრისა და დიღმულას გაწმენდითი სამუშაოების ჩატარების სტრატეგიულ მნიშვნელობაზე ისაუბრა და აღნიშნა, რომ დამოუკიდებელი საქართველოს ისტორიაში ეს მდინარეების კალაპოტის ნარჩენებისაგან გაწმენდის პირველი პრეცენდენტია.
,, ქალაქი თბილისი მდინარე და მტკვრისა და მისი შენაკადების ხეობაშია გაშენებული და აღსანიშნავია, რომ გაწმენდითი სამუშაოების ჩატარება მდინარეებზე არის ერთ-ერთი უმთავრესი პირობა, თავიდან ავიცილოთ ღვარცოფი და წყალდიდობა. მაგალითად, დიდი რაოდენობით ნალექის მოსვლის შემთხვეევაში, განსაკუთრებული საფრთხის წინაშე დგებოდა ვაშლიჯვარი-დიღმის მონაკვეთი, დიღმულას ჩახერგილი კალაპოტის გამო არსებობდა წყალდიდობის საშიშროება. დღეისათვის, რისკები, რაც ბუნებრივ კატაკლიზმებს უკავშირდება, მინიმუმამდეა დაყვანილი. გარდა ამისა, აღნიშნული ღონისძიებებებით გაუმჯობესდა ამ ორი მდინარის ეკოლოგიური მდგომარეობა, რაც, ზოგადად, ქალაქის ეკოლოგიაზეც დადებითად აისახება,“- განაცხადა თამარ ტალიაშვილმა.
