„ეს არის მიზანმიმართული ქმედება, კიდევ ერთხელ დაფიქსირდეს და გაღრმავდეს ანექსია."- ეს განცხადება ცხინვალის რეგიონში მიმდინარე ე.წ. არჩევნების შესახებ "გაერთიანებული დემოკრატიული მოძრაობის" წევრმა, გიორგი ახვლედიანმა ჟურნალისტებთან საუბრისას გააკეთა.
ეს არის მიზანმიმართული ქმედება, კიდევ ერთხელ დაფიქსირდეს და გაღრმავდეს ანექსია. ჩვენ ყველას კარგად გვესმის ოკუპაციის რეალობა და პროცესები მიდის იქითკენ, რომ სამხრეთ ოსეთი ადრე თუ გვიან შეუერთდეს რუსეთს, ეს არის ყველაზე საშიში პროცესი. ჩვენ სასწრაფოდ უნდა დავიწყოთ მოლაპარაკებები, წინააღმდეგ შემთხვევაში, საქართველო დაკარგავს ცხინვალის რეგიონს. ჩვენ კონკრეტულად უნდა დავიწყოთ მოლაპარაკებების პროცესი იმ ქვეყანასთან, რომელთანაც დიდი პრობლემები გვაქვს. ჩვენს მაგივრად ამას არავინ გააკეთებს და ის განცხადებები, რომ ჩვენ აღვშფოთდებით და შევშფოთდებით საქმეს არ ადგება“, - განაცხადა გიორგი ახვლედიანმა.
