შავი ზღვის ჩრდილო-დასავლეთიდან შემოსული ცივი და ნოტიო ჰაერის მასების გამო, 8 აპრილს დღის ბოლოდან და 9-10 აპრილს საქართველოს მთელს ტერიტორიაზე ჰაერის ტემპერატურა მკვეთრად დაეცემა.
დასავლეთ საქართველოში მოსალოდნელია წვიმა, ხოლო მაღალ მთაში - თოვლი. ჰაერის ტემპერატურა 9-11 გრადუსამდე დაიწევს.
აღმოსავლეთ საქართველოში 9-10 აპრილს ასევე წვიმაა მოსალოდნელი, იქროლებს დასავლეთის ძლიერი ქარი. ჰაერის ტემპერატურა 12-17 გრადუსი იქნება.
თბილისში მოსალოდნელია ხანმოკლე წვიმა ელ-ჭექით, ხოლო ქარის სიჩქარე 25 მეტრი-წამში. როგორც სვეტლანა ნიორაძემ განაცხადა, გარეუბნებში ქარის სიჩქარე 28 მეტრ-წამი იქნება.
სინოპტიკოსების ვარაუდით, მდინარეებზე მოსალოდნელია წყლის დონის მკვეთრად მომატება, ხოლო ზვავსაშიშ ზონებში იქნება ზვავის საშიშროება.
ჰიდრომეტეოროლოგიური პროგნოზების სამსახურის უფროსის თქმით, 11 აპრილიდან გამოიდარებს.
