ევროკავშირი არ აღიარებს საქართველოს ოკუპირებულ ტერიტორიაზე, სამხრეთ ოსეთში 9 აპრილს დაგეგმილ ე.წ. არჩევნებსა და რეფერენდუმს,- ამის შესახებ აღნიშნულია ევროკავშირის საგარეო პოლიტიკის სამსახურის მიერ გავრცელებულ განცხადებაში, რომელიც ოფიციალურ ვებ-გვერდზე გამოქვეყნდა.
„ევროკავშირი კიდევ ერთხელ ადასტურებს მხარდაჭერას საქართველოს ტერიტორიული მთლიანობისა და სუვერენიტეტის მიმართ, საერთაშორისოდ აღიარებულ საზღვრებში“, - აღნიშნულია ევროკავშირის საგარეო პოლიტიკის სამსახურის მიერ გავრცელებულ განცხადებაში.
