პარლამენტმა პირველი მოსმენით მიიღო „თამბაქოს კონტროლის შესახებ“ კანონი. აღნიშნული ითვალისწინებს თამბაქოს მოხმარების შეზღუდვას დახურულ შენობებსა და საზოგადოებრივი თავშეყრის ადგილებში. შეიზღუდება თამბაქოს ნაწარმის როლი მარკეტინგულ ღონისძიებებში და თავად პროდუქტის თვალსაჩინო ადგილას გაყიდვა.
კომპანია ACT-Global-მა ამ თემაზე თბილისის მასშტაბით კვლევა ჩაატარა. აღმოჩნდა რომ თბილისის მაცხოვრებელთა 31% ანუ მესამედი მოიხმარს თამბაქოს, ხოლო გამოკითხულთა 26% შენობებსა და საზ. თავშეყრის ადგილებში მოწევის აკრძალვას, 64% კი მოსაწევი ზონების გამოყოფას ემხრობა.
რაც შეეხება თამბაქოს მომხმარებელთა გენდერულ ბალანს - თბილსში მცხოვრები ქალების 18% ეწევა სიგარეტს, ხოლო კაცების 48%.
კომპანიის განცხადებით, შემთხვევითი შერჩევის პრინციპით თბილისში 400 ადამიანი გამოიკითხა და სტატისტიკური ცდომილება 4.9%-ის ფარგლებშია.
