საქართველოს და ლიტვის პრეზიდენტებმა პირისპირ შეხვედრის შემდეგ მედიისათვის ერთობლივი განცხადებები გააკეთეს. როგორც გიორგი მარგველაშვილმა აღნიშნა, საქართველოს-ლიტვის თანამშრომლობა, რომლის შედეგადაც საქართველომ მიაღწია ასოცირების ხელშეკრულებას, თავისუფალი ვაჭრობას, ახლა თავისუფალ უვიზო მიმოსვლას, აქ ამ წერტილში არ მთავრდება, არამედ მომავალშიც გაგრძელდება.
"მინდა დავიწყო მადლობით ქალბატონი პრეზიდენტის მიმართ, მადლობით ამ მრავალი შეიძლება ითქვას მრავალი წლის მუშაობისა, რომელიც ქალბატონმა დალიამ გაწია საქართველოს დღის წესრიგის წამოსაწევად, როგორც ევროკავშირის ასევე ნატოს კონტექსტში. მინდა გამოვხატო მადლობა იმ მხარდაჭერისთვის, რაც ჩვენ გუშინწინ დავინახეთ, რომელიც იყო გულწრფელი რეაქცია ლიტველი ხალხის ქართველებთან დაახლოების პოლიტიკურ საკითხებთან მიმართებაში, ეს გულწრფელი რეაქცია, რაც ჩვენ ვნახეთ აეროპორტში , ის დახვედრა, ბუნებრივია ქართული საზოგადოებაც ამ ემოციას პასუხობს განსაკუთრებული სიხარულით. დღეს ჩვენ ვისაუბრეთ ჩვენი ორმხრივი ურთიერთობების შესახებ და იმ მრავალმხრივი ფორმატების შესახებ, რომელსაც საქართველო ლიტვასთან ერთად ახორციელებს. პირველ რიგში მინდა კიდევ ერთხელ მადლობა ვუთხრა ქალბატონ პრეზიდენტს იმისთვის, რომ მისთვის საქართველოს პოლიტიკური დღის წესრიგი არის უაღრესად მნიშვნელოვანი. ქალბატონო პრეზიდენტო მე იმედი მაქვს, რომ თანამშრომლობა რომლის შედეგადაც საქართველომ მიაღწია ასოცცირების ხელშეკრულებას, თავისუფალი ვაჭრობას, ახლა თავისუფალ უვიზო მიმოსვლას, ბუნებრივია აქ ამ წერტილში კი არ მთავრდება, არამედ მიმდინარეობს მომავალშიც და მომავალშიც გაგრძელდება. ამ თვალსაზრისით მე ქალბატონ პრეზიდენტს გავაცანი ჩვენი უაღრესი ინტერესი მომავალი ნატოს სამიტის მიმართ. საზოგადოებამ იცის რომ ნატოს სამიტი იქნება შეზღუდული ფორმატის, სადაც არაწევრი ქვეყნები არ იქნებიან წარმოდგენილი და მე ვთხოვე ტრადიციულად ჩვენს მეგობარს ქალბატონ გრიბაუსკაიტეს, ადამიანს რომელსაც არაერთ სამიტზე და საერთაშორისო ფორუმზე დაუცავს საქართველოს ინტერესი, რომ განსაკუთრებით მიაქციოს ყურადღება ჩვენს დღის წესრიგს და ჩემი პირადი სახელით საქართველოს პოზიცია დააფიქსიროს ამ სამიტზე. მე იმედი მაქვს ,რომ საქრათველოს დღის წესრიგი მათ შორის ქალბატონი დალიას მეცადინეობით იქნება სერიოზულად წამოწეული. ჩვენ ასევე ვისაუბრეთ ორმხრივი თანამშრომლობის ფორმატებზე ბალტიისა და შავი ზღვის მიმართულებით და იმ შესაძლებლობებზე, რაც ამ მიმართულებით თანამშრომლობამ შეიძლება მოიტანოს. ბუნებრივია აქ საქართველოს ტრანზიტული როლი და საქართველოს მონაწილეობა სატრანზიტო პროექტებში არის გასაღრმავებელი და როგორც ჩვენ ვხედავთ ბალტიისპირეთის ქვენებიც, მათ შორის ლიტვაც არის დაინტერესებული ამ ურთიერთობის გაღრმავებაში. როგორც ქალბატონმა პრეზიდენტმა თქვა ინტენსიფიცირდება ხალხებს შორის თანამშრომლობა და თავისუფალი უვიზო მიმოსვლა ამ თანამშრომლობას დამატებით შესაძლებლობას შესძენს, როგორც ვაჭრობის, ასევე კულტურის, ასევე პოლიტიკური თანამშრომლობის, ბიზნესის თვალსაზრისით. დაბოლოს ქალბატონო პრეზიდენტო დღეს ჩვენ, აღმოსავლეთ ევროპული ქვეყნიდან , საქართველოდან უვიზოდ ვიმგზავრეთ ერვოკავშირის წევრ ქვეყანაში და ჩვენ ჩამოვედით თვენთან სიმბოლური დელეგაციით, დელეგაციით, რომელშიც არიან წარმოდგენილი პოლიტიკური სხვადასხვა პარტიების წარმომადგენლები, რადგანაც ჩვენ მოვდივართ პლურალისტური დემოკრატიული ქვეყნიდან, მაგრამ აგრეთვე კულტურულადაც საინტერესო დელეგაციაა, აქ არიან საქართველოს მოქალაქეები, რომლებსაც აქვთ აფხაზური წარმოშობა, ოსური წარმოშობა, ჩვენს შორის არის აგრეთვე რუსეთის მიერ ოკუპაციის შედეგად დევნილი საქართველოს მოქალაქე. მე დრეს ამ დელეგაციის წინაშეც დაჩვენი მეგობარი ხალხის წინაშე კიდევ ერთხელმ მინდა გავუსვა ხაზი, რომ ის სირთულეები რაც აქვს საქართველოს ოკუპირებულ ტერიტორიებზე, აუცილებლად გადაწყდება არაძალადობრივი გზით და აუცილებლად გადაწყდება ევროპულ კონტექსტში და ევროპულ ფორმატში. დაბოლოს ქალბატონო პრეზიდენტო ჩვენ ერთმანეთს არაერთხელ შევხვედრივართ, სამი წლის წინ სწორედ აქ დაიწყო ჩემი პირველი ვიზიტი, აქ იყო სამიტის ფარგლებში. თქვენ დამდეთ პატივი და იყავით ჩემს ინაუგურაციაზე და მე ვიქნები ბედნიერი თუ თქვენ ჩამოვბრძანდებით საპასუხო ვიზიტით საქართელოში."- განაცხადა გიორგი მარგველაშვილმა. საქართველოს პრეზიდენტმა იმედი გამოთქვა, რომ საქართველოს დღის წესრიგი მათ შორის ქალბატონი დალიას მეცადინეობით იქნება სერიოზულად წამოწეული. ლიტვის პრეზიდენტის დალია გრიბაუსკაიტეს განცხადებით, ლიტვა ნატო-ს სამიტზე, რომელიც მხოლოდ წევრებისთვისაა განკუთვნილი საქართველოს უსაფრთხოების საკითხს წამოჭრის.
