საქართველოს მრთლმადიდებელი ეკლესიის წმინდა სინოდის წევრები და სასულიერო პირები ბრიუსელს 21-25 თებერვალს ეწვევიან, - ამის შესახებ ინფორმაციას
განვითარებისა და დემოკრატიის ცენტრი ავრცელებს.
,,ეპარქიის მმართველი მღვდელმთავრები სამუშაო ვიზიტის ფარგლებში შეხვდებიან ევროკავშირის ინსტიტუციებისა (EEAS, DG near, DG Regio, DG Agri) და ნატოს წარმომადგენლებს.
აღნიშნული სამუშაო შეხვედრების ციკლი პროექტის “საქართველო-ევროკავშირი”- ს ფარგლებში ხორციელდება. აღსანიშნავია, რომ 7-11 ნოემბერს საქართველოს საპატრიარქოს ოფიციალური დელეგაციის ვიზიტი ბრიუსელში ზემოხსებული პროექტის ფარგლებში განხორციელდა.
პროექტი განვითარებისა და დემოკრატიის ცენტრის (CDD) ორგანიზებით საქართველოში დიდი ბრიტანეთის სამეფოს საელჩო ფინანსური მხარდამჭერით ხორციელდება.
პროექტის პარტნიორები არიან ნატოსა და ევროკავშირის შესახებ საინფორმაციო ცენტრი და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი”, - ნათქვამია განცხადებაში.
