,,პატრიოტთა ალიანსი" საპატრიარქოსთვის სახელმწიფო დაფინანსების გაუქმების ნაცვლად, მის გაზრდას ითხოვს. პარტიის ლიდერებმა პარლამენტში გამართულ ბრიფინგზე, საპატრიარქოში გარშემო განვითარებულ მოვლენებზე ისაუბრეს. "პატრიოტთა ალიანსში" მიიჩნევენ, რომ სწორედ დაფინანსების გამო აღმოჩნდა საპატრიარქო დარტყმის ქვეშ.
დავით თარხან-მოურავის თქმით, სახელმწიფო უნდა აფინანსებდეს კონფესიებს, ისევე როგორც ბიუჯეტიდან ფინანსდება მოსახლეობის სხვადასხვა საჭიროებები. “ ბიუჯეტი პროპორციულად უნდა აფინანსებდეს კომპესიებს და მართმადიდებელ ეკლესიებს პირველ რიგში. ჩვენი აზრით, ბიუჯეტის ნახევარი პროცენტი უნდა მიდიოდეს მართმადიდებელი ეკლესიის დაფინანსებაზე და მან 30 მლნ ლარზე მეტი უნდა შეადგინოს,”- განაცხადა თარხან-მოურავმა.
ირმა ინაშვილმა წარმოადგინა დოკუმენტი, რომელშიც მისი თქმით, აღწერილია გეგმა საპატრიარქოს წინააღმდეგ მიმართული ღონისძიებების შესახებ. "ეკლესიის წინააღმდეგ დაიწყო ბრძოლა მიხეილ სააკაშვილის რეჟიმის პირობებში და ის დღესაც გრძელდება. დღეს არის მცდელობა, რომ დიდი განხეთქილება მოხდეს ეკლესიაში. "- დასძინა "პატრიოტთა ალიანსის" ერთ-ერთმა ლიდერმა.
