მიმდინარე სასესიო კვირას პარლამენტში ე.წ. ფარული მოსმენების შესახებ კანონპროექტის პირველი მოსმენით განხილვა გაგრძელდება.
აღნიშნულ საკითხზე დღეს ბიუროს სხდომაზეც იმსჯელებენ. მმართველი გუნდის მიერ შემუშავებული მოდელი მიუღებელია ოპოზიციისთვის.
მათი შეფასებით, ის ეწინააღმდეგება საკონსტიტუციო სასამართლოს გადაწყვეტილებას.
საპარლამენტო უმრავლესობაში კი ამტკიცებენ, რომ მათ მიერ წარდგენილი მოდელი საფრთხეს არ შეიცავს, რადგან სტრუქტურა, რომელმაც მოსმენები უნდა აწარმოოს, საგამოძიებო მოქმედებებთან არ იქნება დაკავშირებული.
