საზოგადოებრივი მაუწყებლის მენეჯმენტისა და სამეურვეო საბჭოს შეხვედრა მიმდინარეობს. მენეჯმენტმა საკუთარ მოსაზრება და წინადადებები წარმოადგინა საბჭოს მიერ შემუშავებულ კრიტერიუმებთან დაკავშირებით.
კერძოდ, საზოგადოებრივი მაუწყებლის მენეჯმენტის გეგმის თანახმად, "რეალური სივრცე", "წითელი ზონა" და კიდევ ათობით გადაცემა, რომელიც წითელ ველში მოხვდა, სავარაუდოდ დაიხურება, მწვანე და ყვითელ ზონაში მითითებული გადაცემები კი დარჩება.
საზოგადოებრივი მაუწყებლოს მენეჯმენტი გადაცემების სამ კატეგორიად დაყოფას გეგმავს:
1 - გადაცემები, რომელიც იზიდავს მაყურებელს. ასეთი გადაცემების რეიტინგი არხის საშუალო რეიტინგზე მაღალია;
2 - გადაცემები, რომლის რეიტინგიც არხის საშუალო რეიტინგის ტოლია
3 - გადაცემები, რომლის საშუალო რეიტინგიც დაბალია და იწყებს მაყურებლის მიგრაციას.
გადაცემების დახურვა სავარაუდოდ სწორედ ამ სქემის მიხედვით მოხდება.
გიორგი გვიმრაძის თქმით, 6 თებერვალს, მენეჯმენტის მიერ წარმოდგენილი გეგმა, რომელიც ყველა გადაცემის შეჩერებას ითვალისწინებდა, იყო მიზნის მისაღწევად გადადგმული მყისიერი ნაბიჯი.
